EconomíaEconomíaÚltima horaViticultura

A D.O. Ribeira Sacra, a piques de pechar a maior colleita da súa historia

Leva xa recollidos 7.020.058 quilos, dos que 5,8 millóns son de mencía

Publicidade
Labores de vendima na D.O. Ribeira Sacra./ Foto: CRDO Ribeira Sacra.

 

Esta colleita marcará un fito na produción da Denominación de Orixe Ribeira, situada entre as provincias de Ourense e Lugo. A data de onte, 8 de outubro, levaba xa recollidos 7.020.058 quilos de uva, dos que a maioría corresponden á variedade tinta mencía, con 5.845.403 quilos, mentres que en brancas sobresae a godello, con 406.656 quilos os colleitados.

Dese xeito está D.O. está a piques de finalizar “a maior vendima da súa historia ao superar a barreira dos 7 millóns de quilos que rozou no 2011, cando entraron en adega 6.999.560 quilos”, segundo se destacada dende o seu Consello Regulador.

Das 96 adegas que vendiman esta campaña ao amparo da D.O. Ribeira Sacra, 19 están a realizar labores de vendima, 4 téñena paralizada e 73 xa terminaron, segundo o consello.

A vendima comezaba oficialmente o 19 de setembro nesta zona produtiva, aínda que varias adegas iniciaran a recollida a finais de agosto. “Os traballos víronse favorecidos por unhas excelentes condicións meteorolóxicas que contribuíron ao estado óptimo da uva”, citando ao CRDO Ribeira Sacra.

 

 

Artigos relacionados

Back to top button