EconomíaEconomíaÚltima horaViticultura

A D.O. Ribeira Sacra acollerá a asemblea dos consellos reguladores españois o 25 de outubro

Será a segunda ocasión na que esta zona vitivinícola, situada entre as provincias de Ourense e Lugo, acolla este encontro, tras o celebrado no 2010

Paisaxe de viñedos na Ribeira Sacra./ Foto: CRDO Ribeira Sacra.

 

Do 24 ao 26 de outubro celebrarase a Conferencia Española de Consellos Reguladores Vitivinícolas (CECRV) celebra do 24 ao 26 de outubro que, nesta ocasión, terá como escenario a Ribeira Sacra. A CECRV resposta así á invitación do Consello Regulador da D.O. Ribeira Sacra, que quere aproveitar esta celebración para buscar apoios á candidatura da Ribeira Sacra como Patrimonio da Humanidade.

“Durante 3 días contarase na Ribeira Sacra con representación do 98% da produción nacional de viño con Denominación de Orixe. A CECRV aproveitará a súa Asemblea para elexir nova directiva e sería importante que mostraran o seu apoio explítico á Candidatura da Ribeira Sacra como Patrimonio da Humanidade”, asegura o Presidente do CRDO da Ribeira Sacra, José Manuel Rodríguez.

En concreto, a asemblea da CECRV terá lugar na casa da cultura Lois Pereiro de Monforte o 25 de outubro entre as 10.00 h. e as 13.30 h. Nesta xornada os acompañantes dos participantes na Asemblea contarán con visitas a guiadas ao Colexio Nosa Señora da Antiga e ao Pazo de Tor.

A D.O. Ribeira Sacra xa foi anfitrioa dunha Asemblea da CECRV no 2010, coincidindo co Ano Santo. Nesta ocasión os participantes, que chegarán na tarde do 24 de outubro, terán a posibilidade de viaxar en catamarán, facer unha andaina no Camiño de Inverno en Belesar, comer en adegas ou cear no Parador de Santo Estevo.

“Trátase de mostrar o que somos no pouco tempo que temos para seguir recabando apoios á candidatura de Patrimonio da Humanidade. É unha satisfacción que aceptaran a nosa invitación para coñecer o noso territorio”, José Manuel Rodríguez.

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close