En portadaÚltima hora

A D.O. Valdeorras promove a creación dun ciclo superior de vitivinicultura na comarca

xa existe un centro público na comarca, o I.E.S Cosmé López da Rúa, interesado en acoller este ciclo, segundo o consello regulador

Imaxe da xuntanza no consello regulador valdeorrés, en Vilamartín./ Foto: D.O. Valdeorras.

 

O Consello Regulador da Denominación de Orixe Valdeorras está a traballar para promover a creación dun ciclo de Formación Profesional Dual na comarca, en concreto o Superior de Técnico Especialista en Vitivinicultura. “Con esta finalidade establecemos contactos coa Consellería de Educación e mantivemos tamén unha primeira xuntanza cunha representación de adegas valdeorresas”, sinala José Luis García Pando, presidente do consello regulador.

Buscando a colaboración das adegas nesta iniciativa, a D.O. acollía nas súas instalacións unha reunión na que participaron técnicos da Consellería de Educación xunto a diferentes adegueiros da zona, que “amosaron a súa disposición a formar parte do proxecto. De feito, nesta primeira xuntanza contouse xa co número mínimo de empresas que se precisarían para activar a creación deste ciclo de FP Dual, de dous cursosacadémicos de duración, que sería o primeiro de Valdeorras destas características e o segundo de Ourense”, segundo se informa dende o consello.

O presidente do Consello Regulador da D.O. Valdeorras, xunto a representantes do IES Cosme López da Rúa./ Foto: D.O. Valdeorras.

 

Segundo adianta García Pando, xa existe un centro público na comarca, o I.E.S Cosmé López da Rúa, interesado en acoller este ciclo para cuxo desenvolvemento se precisa establecer un convenio de colaboración
entre a institución educativa e as empresas (adegas neste caso) nas que os alumnos realizarían a formación complemetaria. Precisamente, a súa xefa de estudos participou tamén na xuntanza en nome da comunidade educativa do centro, xunto con outros dous profesores.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close