EconomíaEconomíaÚltima horaViticultura

A D.O. Valdeorras reforza a súa presenza no norte de España

O consello regulador promove en Santander unha xornada promocional na que participan 18 adegas e 32 marcas de tintos e brancos desta zona produtiva
Acción promocional dos viños de Valdeorras en Santander./ Foto: CRDO Valdeorras.

Os viños valdeorreses promociónanse en terras cántabras. O Gran Casino de Santander acolle nesta xornada a iniciativa denominada Experiencia Verema, na que participan 18 adegas e 32 marcas de brancos e tintos desta denominación de orixe

“O norte de España sempre foi un mercado moi relevante en termos de penetración dos nosos viños”, destaca o presidente do Consello Regulador valdeorrés, José Luis García Pando. “Con esta iniciativa, apostamos por afianzar a nosa presenza neste ámbito xeográfico e facémolo da man de Verema, entidade que aglutina unha das comunidades de aficionados ao viño e á gastronomía mais representativas do mundo de fala hispana, con máis de 74.000 usuarios rexistrados”.

Ao longo da xornada de hoxe está previsto que se acheguen ata o Gran Casino de Santander potenciais prescritores de relevancia para os viños valdeorreses tales como xornalistas especializados, sumilleres, restauradores e chefs ou distribuidores.

Esta primeira Experiencia Verema completarase con outros tres actos de similares características que se celebrarán ao longo do ano nas cidades de Santiago de Compostela, Madrid e Barcelona. García Pando destaca que a idea última que perseguen estes eventos é  “visibilizar os nosos viños” e “situar as actividades promocionais no epicentro da acción do Consello Regulador”.

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close