EconomíaEconomíaEn portadaÚltima horaViticultura

A D.O. Valdeorras súmase aos rosados

O seu consello regulador vén de iniciar os trámites para amparar este tipo de elaboracións

 

Elabóranse tamén con uvas tintas, pero dun xeito diferente ao dos viños tintos. En Galicia non hai tradición de rosados, sen embargo o interese do mercado por este tipo de elaboracións está levando a algunhas adegas a dar o paso e a apostar por eles. E iso que ata non hai moito non estaban amparados polas denominacións de orixe.

O CRDO Ribeira Sacra cambiaba este panorama no 2018 ao incluír no seu prego de condicións este tipo de viño. Agora a D.O. Valdeorras mira nesa mesma dirección. No pleno que o seu consello regulador celebraba neste 24 de xaneiro decidíanse iniciar os trámites para recoñecer e amparar, no seu prego de condicións os rosados.

De feito en Valdeorras hai xa polo menos sete adegas están xa a elaborar este tipo de viños, aínda que fóra da D.O.. Ao iniciar os trámites para o seu recoñecemento, “o Consello Regulador dá resposta ás demandas destas adegas”, asegura o seu presidente, José Luis García Pando, que cre que “incoporar os rosados ao prego de condicións do territorio amparado enriquecerá, sen lugar a dúbidas, o catálogo de produtos vinícolas da D.O. posto que evidencia o extraordinario potencial do
territorio amparado máis alá dos godellos e mencías”.

Promoción internacional

Xunto a isto, o Pleno do Consello Regulador decidiu hoxe participar nas feiras de Prowein, que entre o 15 e o 17 de marzo se celebra na cidade alemá de Düsseldorf, e na Wine & Gourmet de Tokio, que terá lugar na capital nipona entre o 15 e o 17 de abril. O organismo tamén participará, xunto a outras
denominacións de orixe galegas, nun evento promocional conxunto promovido polo Igape en Londres (Decanter Spain & Portugal Encounter) o vindeiro 24 de febreiro.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close