As rúas da cidade encheranse de vida e talento un ano máis grazas á danza e ás artes do corpo coa novena edición de Corpo (a) terra. Constará de catro actuacións diarias, duns 20 minutos cada unha, no que participarán as compañías integradas por coreógrafos e bailaríns de Ourense. Os actos terán lugar na zona vella, as prazas de Santa Eufemia e San Martiño, a escalinata de Santa María Nai, o miradoiro de San Francisco, a explanada de Expourense, o Café cultural Auriense e o Centro Cultural Marcos Valcárcel, e tamén terá unha xornada en Allariz o 6 de xullo.
O festival é organizado por trasPediante, que recibe unha aportación de 14.950 euros a través dun contrato asinado coa Concellería de Cultura. Continuando así unha exitosa actividade que, dende o verán de 2011, enriquece a oferta cultural da cidade e reivindica un novo uso do espazo urbano que apela á participación cidadá a través da danza.
Corpo(a)terra 2019 inclúe tamén entre as súas actividades unha residencia de formación artística con Jesús Rubio Gamo cun grupo reducido de bailarinas e bailaríns. Os participantes seleccionados partillarán o proceso de adaptación da peza “Gran Bolero” ao contexto da IX edición do festival, que se representará o día 13 de xullo pechando a programación oficial de pezas de danza do festival.
PROGRAMACIÓN DO IX FESTIVAL DE DANZA E ARTES DO CORPO DE OURENSE CORPO (A) TERRA 2019
Día 5 de Xullo – Ourense
– Presentación de “O lugar que non hai”, último libro de Pesía de Estevo Creus ás 21:00h – 21:20h no Café cultural Auriense.
– Nazario Díaz ás 22:00 h – 23:00 h no Claustro de San Francisco.
Día 6 de Xullo – Allariz
– Presentacións da mesa de traballo: Repensarnos como Patrimonio Inmaterial Actual. Ás 16:30h -18:30h no Fogar do Maior.
– Publishing performance, MACACO Press. Ás 20:30 h – 21:30 h na Praza de Abaixo.
– ONE HIT WONDER de Lina Segovia, Carlos Regueyra (gañadores SóLODOS), ás 21:30h – 21:40h na Praza de Abaixo.
– Julia Zac ás 22:00h – 22:30h na Praza do Matadoiro.
– Alejandra Pombo ás 23:30h-00:40h noCampo Branco.
Día 10 de Xullo – Ourense
– Cía Alias (danzas espontáneas) das 19:15h ata as 23:30h.
– Conferencia de Iker Gómez de 20:00h ata as 21:00h no Centro Cultural Marcos Valcárcel.
Día 11 de Xullo – Ourense
– Cía Alias (danzas espontáneas) das 20:00h ata as 22:30h na Zona Vella por distintos lugares.
– Elahood: Impermeable de 21:00h ata as 21:15 na Praza Santa Eufemia.
– Ertza: Meeting Point (Circuito Redacieloabierto) dende as 21:30h ata as 21:45h na Escalinata Santa Martía Nai.
Día 12 de Xullo – Ourense
-Sabela Mendoza dará unha conferencia performativa de 20:00 h a 21:00h no Centro Cultural Marcos Valcárcel.
– Publishing performance, MACACO Press de 21:00h a 22:00h na Praza Santa Eufemia.
-Unaiuna (Circuito Redacieloabierto) de 22:00h a 22:15h naPraza Santa Eufemia.
Día 13 de Xullo – Ourense
-Conferencia de Manu Lago de 13:00h a 14:00h no Centro Cultural Marcos Valcárcel.
– Publishing performance, MACACO Press de 20:00h a 21:00h na Praza Santa Eufemia.
– Cía Iker Gómez: Nowere_Madrid (Circuito Redacieloabierto) de 21:00h a 21:15h na Praza de San Martiño.
– Alvaro Reboredo “Fitinho” de 21:30h a 21:45h no Mirador de San Francisco.
– Jesús Rubio: GRAN BOLERO de 22:00h a 23:00h na explanada do Auditorio.
– Dj Balboa de 23:30h a 00:30h na Praza de San Marcial.
Texto: Carlota Pérez de Juan Burgos
Foto: Facebook @corpo(a)terra
