A Deputación de Ourense vén de iniciar o expediente para o outorgamento da medalla de ouro da provincia ao escultor ourensán Acisclo Manzano. Así o anunciaba Manuel Baltar o pasado 20 de xullo, na XI Festa da Palabra.
“Este recoñecemento da institución provincial pretende homenaxear a recoñecida traxectoria de Acisclo Manzano Freire, nado en Ourense, académico numerario da Real Academia de Belas Artes, escultor ourensán de prestixio, que o fixo merecente da medalla nacional de Arte Xuvenil ou do Premio Otero Pedrayo, entre outros”.
