Publicidade
OurenseÚltima hora

A Deputación de Ourense presenta o programa provincial de Entroido en Cartelle

 

O auditorio municipal Cartelle, en Outomuro acollía o 11 de febreiro a presentación do programa provincial de entroidos 2020, que abrangue un total de 353 actividades que se desenvolverán desde o 12 de febreiro ata o 1 de marzo en 45 aldeas, vilas e concellos da provincia de Ourense.

Ao acto de presentación asistían o presidente da Deputación de Ourense, Manuel Baltar, e o alcalde de Cartelle, Jaime Sousa. O entroido “é unha das nosas grandes riquezas etnográficas”, aseguraba Baltar, indicando que Galicia ten nove entroidos declarados de interese turístico e sete deles están na provincia de Ourense, e “ademais do triángulo de Laza, Verín e Xinzo, cos seus carnavais de repercusión nacional e internacional, temos en lugares como Cartelle entroidos tan senlleiros como os de Sande ou As Teixugueiras”, con personaxes básicos como as Bonitas, o Oso ou o Meco. “Estes o moitos exemplos máis representan a mostra da tradición, a idiosincrasia e as costumes dun pobo, o ourensán, que se transforma nesta data, como reflicte o programa que presentamos, un compromiso da Deputación por promover e difundir o noso entroido”, Baltar.

Do programa provincial de entroidos, que desenvolve a Deputación de Ourense, editaranse un mínimo de dez mil exemplares e preto de mil carteis, que serán distribuídos en concellos, entidades turísticas e establecementos de hostalería, xunto cun vídeo promocional, que se emitirá en televisión e que se difundirá nas redes sociais, “para darlle todo o relevo que merece esta festa, inherente á nosa alma como pobo”, expresou Manuel Baltar.

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close