Publicidade
OurenseÚltima hora

A Deputación de Ourense reúnese telematicamente coas federacións galegas para planificar a nova axenda deportiva

Na reunión de hoxe participaron representantes das federacións de Atletismo, Baloncesto, Balonmán, Ciclismo, Fútbol, Taekwondo, Ximnasia, Judo, Natación, Voleibol e Xadrez.

Manuel Baltar e Bernardino González, na reunión do Consello Asesor de Deportes da Deputación de Ourense.

 

Seguir apoiando o deporte na provincia, para que poida retomar a actividade e as competicións o antes posible, “coas máximas garantías de seguridade e os mínimos efectos negativos como consecuencia do parón provocado polo Covid-19”. É o obxectivo da reunión telemática que na mañá deste luns 25 de maio mantiña o presidente da Deputación de Ourense, Manuel Baltar, con representantes de diferentes federacións deportivas de Galicia.

O Consello Asesor de Deportes integra, xunto aos consellos de Turismo, Cultura e Agroalimentario a estratexia da Deputación de cooperación cos principais sectores da actividade económica da provincia para “axudar durante a desescalada á reactivación económica e social ourensá”. No caso do de Deportes, que continuará coas súas reunións periódicas, “seguiranse analizando calendarios, formatos e cuestións organizativas dos eventos deportivos de cara ao final do estado de alarma e para cando sexa posible reanudar as competicións”, aseguran dende o goberno provincial.

Na reunión de hoxe participaron, xunto ao presidente da Deputación e ao asesor de Deportes, Bernardino González os representantes das federacións de Atletismo, Baloncesto, Balonmán, Ciclismo, Fútbol, Taekwondo, Ximnasia, Judo, Natación, Voleibol e Xadrez.

 

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close