A Dirección Xeral de Policía valora crear no Barco unha oficina permanente do DNI

O alcalde barquense vén de manter un encontro en Madrid co responsable desta dirección e co xefe da División de Documentación

Exterior da Casa Consistorial do Barco.

Nesta mañá de 12 de febreiro o alcalde do Barco, Alfredo García, desprazábase a Madrid para manter unha xuntanza co director xeral da Policía, Francisco Pardo, e co xefe da División de Documentación e Arquivo, Francisco Herrero, aos que lles trasladaba a necesidade de que este concello sexa a sede dunha Unidade de Estranxeiría e Documentación permanente, na que realizar todos os trámites de expedición e renovación de DNI e pasaporte, así como a documentación de estranxeiría para toda a comarca de Valdeorras.

Nesta reunión o alcalde estivo acompañado polo senador Luis García Mañá, e propuxo que esta nova undiade se ubique no edificio dos antigos Xulgados, nos que tamén se prevé instalar á Policía Local. Tal e como se informa dende o Concello do Barco, “nestes momentos estase a facer un estudo obxectivo das necesidades existentes no territorio nacional, e O Barco conta nese estudo. En todo caso, será preciso que o Concello solicite de xeito formal a creación desta oficina, coa aprobación previa dun acordo expreso do pleno da Corporación municipal”.

O rexedor barquense ten pretente levar esta proposta ao pleno ordinario de marzo e está previsto que a Dirección Xeral da Policía tome unha decisión nun prazo curto de tempo. Para Alfredo García a reunión resultou “moi positiva”, e espera que nuns meses “se poida recibir unha confirmación relativa a esta reivindicación que levamos facendo dende hai anos”.

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies