O vindeiro sábado 23 de abril o Casino do Barco acollerá a Sesión Ordinaria da Xunta Directiva da Asociación de Clubs Galegos de Fútbol da que forma parte o presidente do CD Barco, Nilo Ramos, vicepresidente da asociación xunto a Lupe Murillo (Pontevedra CF).
A reunión, convocada polo presidente do colectivo, Ángel A. Fernández Lendoiro, comezará sobre as 12 horas e entre os puntos da orde do día, figuran os informes do presidente e do tesoureiro, así como a posibilidade de organizar tanto o torneo alevín de fútbol-8 como a Gala da asociación.
