O conselleiro de Cultura, Educación e Ordenación Universitaria, Román Rodríguez, recibía na mañá do 15 de abril á directiva da Federacióni Galega de Municipios e Provincias (Fegamp). Así a este encontro acudían o presidente da Fegamp, José Manuel Rey Varela, xunto con vicepresidentes desta entidade, o alcalde barquense Alfredo García e Alfonso Villares.
No decurso do encontro intercambiáronse impresións arredor da futura Lei de Patrimonio de Galicia. Esta reunión está enmarcada na rolda de contactos prevista con diferentes entidades dentro dun proceso participativo e aberto que ten como finalidade avanzar na elaboración desta norma. Na xuntanza tamén participaban o secretario xeral técnico da Consellería, Jesús Oitavén; e a directora xeral do Patrimonio Cultural, María Carmen Martínez Insua.
