A Federación Galega de Municipios e Provincias (Fegamp) reuníase o 15 de outubro co vicepresidente do Xunta de Galicia e conselleiro de Presidencia, Administracións Públicas e Xustiza, Alfonso Rueda; coa conselleira de Facenda, Elena Muñoz; e coa conselleira de Traballo, Beatriz Mato. No encontro tamén estaban presentes o vicepresidente primeiro da FEGAMP, Alfredo García; o vicepresidente segundo, Francisco García; e o vicepresidente executivo da entidade municipalista, Alfonso Villares. Ademais, por parte da Xunta participaron na xuntanza o director xeral de Administración Local, Alberto Pazos; e o director xeral de Planificación e Orzamentos, Miguel Corgos.
No decurso da reunión os representantes do goberno galego confimábanlle que nos orzamentos para 2015 manterase estable o Fondo de Cooperación Local (FCL), cunha dotación presupostaria de 113 millóns de euros. Ademais, a Xunta manterá estable en 2015 a dotación correspondente ao Fondo de Compensación Ambiental, que ascende a 11,5 millóns.
Na reunión tamén se trataba a fórmula de colaboración cos concellos na nova Axencia de Servizos Sociais de Galicia, unha vez que se extinga o Consorcio Galego de Servizos de Igualdade e Benestar, o que está previsto para finais do próximo exercicio.