ConcellosÚltima hora

A directora xeral de Familia, Infancia e Dinamización Demográfica visita a casa niño na Veiga e a escola infantil de Fátima na Rúa

Amparo González lembrou que está aberto o prazo para que os 23 concellos sen ningún servizo de conciliación poidan solicitar a apertura dun destes centros

 

Na mañá do venres 21 de febreiro, en pleno Entroido, a directora xeral de Familia, Infancia e Dinamización Demográfica, Amparo González, achegábase ata a comarca de Valdeorras en visita oficial.

A primeira parada era a casa niño na Veiga, aberta dende o ano 2016 que atende na actualidade a catro cativos. Alí, acompañada polo alcalde Juan Anta, sinalou que tal e como recolle o Diario Oficial de Galicia (DOG), dende o pasado luns está aberto o prazo para que os 23 concellos sen ningún servizo de conciliación poidan solicitar a apertura dun destes centros.

 

A directora xeral Amparo Rodríguez na escola infantil Nosa Sra. de Fátima, na Rúa.

 

Amparo González destacou a calidade do servizo das casas niño que, como acontece na Veiga, “axudan á conciliación das veciñas e veciños dos municipios de menos de 5.000 habitantes”, lembrando que “son pequenos centros de atención á infancia totalmente gratuítos para as familias que atenden a un máximo de cinco nenos”.

De seguido desprazábase ata o concello da Rúa para visitar, acompañado polo alcalde da localidade Álvaro Fernández e membros da corporación, as instalacións da escola infantil de iniciativa social Nosa Señora de Fátima, onde lembrou que “continúa aberto o prazo para que estes centros soliciten axudas para implantar a gratuidade das prazas para segundos fillos e sucesivos”. Esta iniciativa entrará en vigor o vindeiro 1 de abril e o prazo de adhesión para as escolas de iniciativa social estará aberto ata o día sete de marzo.

Fotos: Carlos G. Hervella excepto as dúas primeiras da galería.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close