Un “recoñecemento da provincia de Ourense para quen deu todo da súa intelectualidade en favor da súa terra: docencia, creatividade e saberes culturais, que van máis aló das letras, pois Pura Vázquez era o sentimento feito palabra pola súa Ourense, a autora por excelencia da literatura para nenos e mozos na nosa lingua”. Así define Manuel Baltar os actos conmemorativos que a Deputación está ultimando para conmemorar o centenario da escritora e mestra nacida en 1918 no barrio do Polvorín.
A prolífica obra de Pura Vázquez abrangue un total de 45 títulos de poesía, narrativa e teatro, centrados no público infantil e xuvenil e entrer as diferentes actividades que se está programando para destacar o seu legado persoal e intelectual, incluiránse conferencias, actos de homenaxe e xornadas que analizarán en detalle os aspectos académicos, pedagóxicos e culturais da escritora ourensá.