Na procura de pequenos cociñeiros dispostos a aprender dos mellores chefs, a Estación de Montaña Oca Manzaneda presenta o campamento de verán Oca Chef que se desenvolverá en dúas quendas: do 9 ao 15 e do 16 ao 22 de xullo.
Dirixido pola empresa Servicios Gastronómicos SG Tino Iglesias e patrocinado por P K Kitchen, está orientado a nenos e xoves de 7 a 16 anos e contará con obradoiros de cociña completamente equipada para que os futuros chefs desfruten e aprendan nun entorno profesional.
A presentación do campamento tiña lugar na mañá do 2 de maio no Centro Cultural Marcos Valcárcel de Ounrese onde adiantaron que ademais das clases de cociña, os asistentes poderán participar nas actividades que a Estación ofrece durante o verán: karts, hípica, piscina cuberta, parque multiaventura,…
O prazo de inscrición xa está aberto podendo anotarse enviando un correo a info@sgtinoiglesias.com ou chamando ao teléfono: 633 849 010.
