CulturaCulturaGalerías de fotosÚltima hora

A estrea de “O que arde” no Centro Cultural Avenida da Rúa

O filme de Óliver Laxe tamén se proxectará hoxe ás 20 e ás 23 horas, mañá ás 20h. e o luns ás 22h.

 

De forma simultánea ao resto de cines de España, o Centro Cultural Avenida da Rúa acollía na noite do 10 de outubro a estrea de O que arde, o filme de Óliver Laxe rodada nos Ancares (Lugo), gañadora do premio Unha certa mirada no Festival de Cannes e premiada tamén no OUFF.

Protagonizada por Amador Arias e Benedicta Sánchez, O que arde xira en torno ao lume pero vai moito máis alá. É unha  película sobre a natureza e sobre a complexidade da vida no rural galego. Fala do amor, das crenzas e as ilusións dos protagonistas e tamén dos prexuízos e “da carraxe, do que lle arde a cada un por dentro ou dentro das cousas”, en palabras de Amador Arias, o actor que dá vida a Amador Coro, un veciño que regresa a casa tras cumprir condea por ter provocado un incendio forestal.

 

Benedicta Sánchez dá vida a nai de Amador Coro, o protagonista do filme.

 

Sen estar a sala chea, numeroso público asistía á sesión do venres na Rúa e quen aínda non viu o filme, rodado en galego, ten ocasión de facelo nas sesións de hoxe sábado (20 e 23h.), mañá domingo (20h.) e o luns (22h.).

Fotos: Carlos G. Hervella.

 

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close