O salón de actos do edificio multiusos do Barco acollía na tarde do venres 10 de xuño a xornada “Vidas da República”, promovido a través da Agrupación Socialista do Barco. Nesta sesión abordábase esa etapa da historia recente de España da man de dúas ponentes. A primeira delas era Carmen Negrín, presidenta de honra da Fundación Juan Negrín e neta do que fora presidente do goberno da República entre 1937 e 1945.
Deseguido, Julia R. Cela, profesora na Facultade de Ciencias da Información da Universidade de Madrid amosaba a experiencia dos voluntarios das Brigadas Internacionais.
Finalmente, participaba na mesa Félix Vidal, patrono da Fundación Juan Negrín e produtor do documental “La amarga derrota de la República”, que se proxectaba neste mesmo acto. Tras a proxección tiña lugar un debate aberto.
Fotos: Carlos G. Hervella.
