OurenseÚltima hora

A evolución do cine mexicano nas últimas décadas, no OUFF 2019

A 24ª edición deste festival ourensán desenvolverase entre o 27 de setembro e o 5 de outubro

Imaxe dun filme mexicano./ Foto cedida.

 

O Festival de Cine Internacional de Ourense (OUFF) comeza a desvelar os contidos da súa 24 edición, que se desenvolverá do 27 de setembro ao 5 de outubro. México será o país convidado nesta edición, na que o certame dedicará unha das súas seccións ao cine que se está a producir neste país coa colaboración da Fundación Carlos Velo e do Centro de Capacitación Cinematográfica (CCC) de México.

Esta última entidade, de referencia no sector, foi fundada en 1975 polo galego Carlos Velo, tendo como presidente de honra a Luis Buñuel, amigo persoal do cineasta de Cartelle. O CCC é un centro de referencia na cinematografía mexicana ao ter formado dende a súa creación a numerosos realizadores e profesionais do sector audiovisual nas últimas décadas, entre elas a propia neta de Velo, a guionista e directora Laura Gardos Velo.

No OUFF incluírase unha escolla de doce títulos, en gran parte inéditos en España e seleccionados pola actual dirección do CCC, que amosarán a evolución do cine mexicano ao longo das últimas décadas, xa que se inclúen obras creadas entre os anos 2001 e 2018, ademais dun título simbólico, “El secreto de Romelia” (1988), a primeira película realizada por unha graduada no Centro, a directora Busi Cortés.

Os títulos, todos eles óperas primas, que se proxectarán no OUFF 2019 serán:

1.- “El secreto de Romelia” (1988). Dir: Busi Cortés

2.- “Seres Humanos” (2001). Dir: Jorge Aguilera

3.- “Noticias lejanas” (2005). Dir: Ricardo Benet

4.- “Más que a nada en el mundo” (2006). Dir: Andrés León Becker / Javier Solar

5.- “Conozca la cabeza de Juan Pérez” (2008). Dir: Emilio Portes Castro

6.- “Somos lo que hay” (2010). Dir: Jorge Michel Grau

7.- “El lugar más pequeño” (2011). Dir: Tatiana Huezo Sánchez

8.- “Mi universo en minúsculas” (2011). Dir: Hatuey Viveros

9.- “Inercia” (2013). Dir: Isabel Muñoz Cota Callejas

10.- “Tiempo suspendido” (2015). Dir: Natalia Bruschtein

11.- “Distancias cortas” (2015). Dir: Alejandro Guzmán Álvarez

12.- “Takeda” (2017). Dir: Yaasib Vazquez Colmenares

13.- “Cygnus” (2018). Dir: Hugo Félix Mercado.

Como parte do programa, o OUFF e a Fundación Carlos Velo están a xestionar a presenza en Ourense dalgún dos realizadores mexicanos así como dos responsables do CCC.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close