DeportesÚltima hora

A Federación Galega de Caza e a Xunta realizarán xornadas preventivas contra os incendios forestaiss

Irán dirixidas ao persoal do Servizo de Prevención e Defensa contra Incendios Forestais e os integrantes do colectivo cinexético

 

Os cazadores galegos e os membros do Servizo de Prevención e Defensa contra Incendios Forestais (SPDCIF) reforzarán a súa colaboración en materia de loita fronte o lume a través de diferentes xornadas preventivas conxuntas, que se desenvolverán ao longo do próximo inverno e a primavera de 2020.

Así o acordaron o conselleiro do Medio Rural, José González, e o presidente da Federación Galega de Caza, Javier Nogueira, nunha xuntanza de traballo na que tamén participaron membros da directiva desta entidade e, por parte da Consellería, o director xeral de Defensa do Monte, Tomás Fernández-Couto.

Alí acordaron que estas actividades desenvolveranse sobre o terreo e, ademais de servir para mellorar a coordinación en tarefas de detección, vixilancia e disuasión, “tamén facilitarán a actuación directa do colectivo de cazadores colaborando en labores de silvicultura preventiva tales como a roza de pistas, a limpeza de terreos forestais ou a mellora de puntos de auga”.

Así, a Federación comprometeuse a achegar antes de final de ano unha planificación coas zonas prioritarias nas que traballar, tendo en conta o profundo coñecemento dos montes que acreditan os cazadores, así como a súa capacidade de mobilización de persoas sobre o terreo, algo que os participantes nesta reunión de traballo quixeron destacar.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close