En plena desescalada da terceira onda de Covid, A Rúa volve recuperar as actividades, iso si, mantendo as medidas de aforo e seguridade fronte aos contaxios. Sen ir máis lonxe, esta fin de semana regresan as proxeccións de cine ao Centro Cultural Avenida e o domingo día 7 volve a feira a Fontei.
Así o comunicaba o alcalde da Rúa, Álvaro Fernández á corporación municipal, na sesión ordinaria do pleno celebrado na xornada deste martes 2 de marzo. “A situación está sendo boa así que pode volverse celebrar, a non ser que volva cambiar ou pase algo excepcional que o impida”, asegura o rexedor.
