Acordábase no pleno celebrado na tarde do 24 de abril no Consello Regulador da D.O. Valdeorras
Logo da sesión celebrada a primeiros de abril e na que non se conseguían os apoios necesarios para sacar adiante as contas do Consello Regulador da Denominación de Orixe Valdeorras, os membros deste pleno voltaban a reunirse na tarde do 24 de abril na sede deste órgano réctor en Vilamartín. Nesta sesión saían adiante os puntos da liquidación e memoria do 2014, así como o orzamento do 2015.
Tamén se acordaba a celebración da vindeira Feira do Viño de Valdeorras no Barco, por segundo ano consecutivo. Este evento está previsto para os días 11 e 12 de xullo, segundo adiantaba o presidente do Consello Regulador da Denominación de Orixe Valdeorras, José Vicente Solarat.