EconomíaEconomíaÚltima horaViticultura

A Feira do Viño do Ribeiro busca cartel para a súa 56ª edición

Vén de convocarse un concurso, aberto á presentación de traballos ata o 14 de febreiro, no que o ganador será premiado con 1.000 euros
Imaxe dunha edición anterior da Feira do Viño do Ribeiro, en Ribadavia./ Foto: Carlos G. Hervella.

A organización da Feira do Viño do Ribeiro (formada polo Consello Regulador da Denominación de Orixe Ribeiro e polo Concello de Ribadavia) vén de convocar o concurso de carteis para seleccionar a imaxe que vai representar a 56ª Feira do Viño do Ribeiro, que se celebrará do 3 ao 5 de maio. A proposta que resulte gañadora do concurso será premiada con 1.000 euros.

Búscase que o cartel faga alusión á D.O. Ribeiro e ao seu #MovimientoRibeiro, “termo que alude á renovación, ao rexurdir e á reinterpretación da Denominación de Orixe máis antiga de Galicia. Tendo en conta que é unha D.O. con viños de calidade, de paisaxe e territorio”, segundo a organización. No certame poderán participar profesionais de calquera nacionalidade, podendo presentar cada un deles unha única obra que terá que ser inédita.

A data de recepción dos proxectos estenderase ata o 14 de febreiro de 2019. A selección do gañador do concurso farase na semana do18 ao 22 de febreiro cun xurado experto, formado por profesionais do deseño e artes, momento no que se fará pública a imaxe e o seu creador.

Máis información e bases:
https://www.ribeiro.wine/wp-content/uploads/2019/01/Bases-concurso-carteis-56-FVR-GAL.pdf

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close