O xurado profesional do XI Concurso Sabores de Ourense – Pinchos de Outono reuníase na tarde do 19 de novembro no restaurante A Taberna para a concesión dos seus premios.
Composto por Antonio Lorenzo Gay (restaurante A Faragulla), Diego López (restaurante La Molinera), Cecilio Santalices (Turismo de Ourense) e Marina Vicente (La Alacena Roja), o xurado votou as propostas dos establecementos finalistas: A Burguesiña de San Miguel, A Feira, A Feiriña, Adega das Caldas, Antiga Leitería, Baysha, Catador, Fuentefría, La Estación de Loman e Sanmiguel.
Finalmente o 1º Premio é para Restaurante A Feiriña, polo seu pincho “Mantiña de castañas”; o 2º Premio para Adega das Caldas, polo seu pincho “Pincho da Adega”; e o 3º Premio para Restaurante San Miguel, polo seu pincho “Cocido en pelota picada”.
