Publicidade
CulturaCulturaÚltima hora

A Festa da Palabra do Carballiño conmemora o centenario da revista Nós

Terá lugar o vindeiro domingo, 19 de xullo, na Insua dos Poetas

A XII Festa da Palabra conmemora este domingo, 19 de xullo, o centenario da revista Nós. Terá lugar na Insua dos Poetas, na Esgueva, Madarnás (O Carballiño).

Ademais da habitual entrega de premios “Insua dos Poetas”, terá lugar a actuación de Son Trío; ás 14.00 horas celebrarase a romaxe literaria, coa actuación de Airiños de Caldelas, e ás 18.00 horas actuará o grupo folk Tor, que presentará o seu novo disco.

 

Portada da revista Nós./ Foto: Fernando del Río.

 

O programa inclúe poesía, música e a presentación do libro “Camiño de Nós” (que se vai distribuír no decurso do acto), unha publicación da editorial Aira que é a recolleita dunha crónica publicada en 1926 en “A Nosa Terra”, que narra a peregrinaxe de Ourense a Santiago realizada por persoeiros como Risco, Cuevillas, Otero Pedrayo, Lois Feixoo, Antón Sánchez ou Xabier Pardo.

Ademais, o domingo tamén se dará a coñecer a persoa ou a obra homenaxeada na Festa da Palabra de 2021, e se entregarán os premios correspondentes á edición deste ano, unha cita cultural que contará coa participación de representantes de entidades sociais, culturais e institucionais de Galicia.

Durante a pasada edición.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close