A Festa do Cordeiro de Larouco congrega a unhas 400 persoas

Celebrábase no pavillón polideportivo desta localidade no mediodía do 18 de maio

Trece edicións vén de cumprir neste 18 de maio a Festa do Cordeiro de Larouco. Congregaba arredor da mesa a unhas 400 persoas no pavillón polideportivo desta localidade valdeorresa. O xantar comezaba a servirse a partir das dúas da tarde cun menú idéntico ao de anteriores anos e que se iniciaba cunha boa ración de entremeses e empanada, para continuar co prato forte do xantar, o cordeiro asado no forno, acompañado dunha ensalada. Desta volta no xantar servíanse máis de 220 quilos deste tipo de carne.

Como sobremesa había bica, e para beber, viño da comarca, café e licores, sen esquecer o pan. Nesta edición era novamente a empresa Mantesil quen se encargaba de organizar este evento promovido dende o Concello. O xantar remataba con música e baile, animado por Danzalia.

Fotos: Carlos G. Hervella.

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies