A tradición vitivinícola faise paisaxe na Teixeira, unha localidade da Ribeira Sacra ourensá que exalta cada outono a nova colleita cunha celebración moi especial: a Festa do Viño Novo. Esta cita tiña lugar neste sábado 23 de novembro, mantendo un programa moi similar ao de anos anteriores e no que a Charanga Nova Terras de Trives poñía son á sesión vermú.
O acto central era un concorrido xantar popular ás 14h., cun menú a base de empanada, pulpo en abundancia e carne ao caldeiro. Este pratos estaban acompañados por viños das adegas da Teixeira, un territorio amparado pola Denominación de Orixe Ribeira Sacra. Na sobremesa servíase bica, ademais de café e licores.
Esta festa acostuma congregaba a preto de 600 persoas na Teixeira, atraídas pola gran calidade dos viños da zona e tamén pola súa gastronomía. A celebración foi organizada polo Concello da Teixeira, que preside Miguel Cid, co apoio da Deputación de Ourense e do Inorde.
Fotos: Carlos G. Hervella.
