Publicidade
OurenseÚltima hora

A finalista máis nova do Piano Meeting abre o festival na praza Maior de Ourense

Ata as 21:30h de hoxe, 22 de setembro, sucederanse as actuacións en catro espazos da cidade
Imaxe da primeira edición do Piano Meeting./ Foto: Carlos G. Hervella.

A cidade das Burgas acolle hoxe, 22 de setembro a segunda edición do Piano Meeting, o festival ao aire libre centrado nos catro pianos situados en catro puntos emblemáticos da cidade: praza Maior, As Burgas, o Xardín do Posío e o Parque de San Lázaro.
O festival comezaba ás 12 horas, de xeito simultáneo nos catro espazos. Na praza Maior tocaba Alisa Zhgenti, de 10 anos de idade, a finalista máis nova das dúas edicións do festival, e entre o público asistente estaba o secretario xeral de Cultura, Anxo Lorenzo e o alcalde de Ourense, Jesús Vázquez.

Ata as 21:30 horas, hora na que a praza Maior acollerá o concerto final, o programa contempla nos catro puntos as actuacións dos 20 músicos seleccionados na fase de concurso do festival, sete obradoiros para neófitos Aprende a tocar unha peza e cinco concertos de músicos convidados, así como momentos libres para permitir a participación de espontáneos que se animen a tocar.

No mes de xullo, o xurado escolleu entre os participantes aos primeiros 10 finalistas, que foron o Trío Ramales e Jorge Balanzá, que se fixeron co primeiro premio; Carolina Santiago, galardoada co segundo premio e Sergio de Miguel Jazz Trío; Lara Martínez Taboada; o Dúo Liliak; Alisa Zhgenti; ASR Jazz Trío; Rebeca Miyar e Miguel Iglesias. A través das redes sociais escolléronse outros 20 músicos dos que o público elixiu aos outros 10 finalistas que participan hoxe no festival: Marta Aranda, o Dúo Emanarte, Joana María Riera, Sergio de Miguel Grupo de Cámara; o Dúo David e Leticia; Cris Rodríguez; Manuel Josué; o Trío Benonar; Adriana Iglesias e Diego Mata Pose.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close