SanidadeÚltima hora

A “Galleta solidaria” recauda 3.835 euros en Ourense

A AECC na cidade recibía a cantidade de mans do presidente dos pasteleiros ourensáns
Acto de entrega da cantidade reunida coa campaña "Galleta solidaria" en Ourense.
Acto de entrega da cantidade reunida coa campaña “Galleta solidaria” en Ourense.

O doce e a solidariedade únense en Ourense. E fanno con éxito tal e como se pode comprobar na cantidade reunida a través da iniciativa “Galleta solidaria”, promovida pola asociación de pasteleiros da provincia co fin de recaudar fondos para a Asociación Española contra o Cancro (AECC).

Martín Sousa, presidente deste gremio ourensán, destacaba na mañá do 13 de abril o esforzo das pastelerías asociadas da provincia por elaborar as galletas con este fin benéfico. Facíao no acto de entrega da cantidade recaudada, un total de 3.835,  á representante da asociación ourensá contra o cancro en Ourense, Dora Gómez.

Os representantes destas asociacións amosábanse moi satisfeitos coa cantidade reunida nesta segunda edición, que se ten incrementado nuns 800 euros máis con respecto ao 2014. Quince pastelerías ourensás colaboraban desinteresadamente na elaboración desta galleta, que se vendía ao prezo simbólico dun euro ao pasado 7 de marzo na rúa do Paseo, para sumarse así á loita contra o cancro infantil.

Artigos relacionados

Back to top button