Publicidade
ConcellosÚltima hora

A gastronomía das Terras de Trives, protagonista de “Come a Comarca” na televisión galega

Este programa, con cociñeiros tamén desta comarca, poderá verse esta noite a partir das 22:30h.

 

A cultura gastronómica da comarca das Terras de Trives (concellos de Trives, Manzaneda, San Xoán de Río e Chandrexa de Queixa) será o eixo central do programa da televisión galega “Come a Comarca” deste martes 9 de xuño. Poderá verse a partir das 22:30h.

Despois de descubrir as singularidades da gastronomía desta zona, os concursantes elaborarán un menú formado por: empanada de polo feita con fariña de castaña, guiso de tenreira e, xa como sobremesa, bica de Trives.

O chef Anxo Trives, do Hostal La Viuda e membro de Cociña Ourense, será o “infiltrado”, o encargado de conducir aos concursantes polo mundo gastronómico trivés. Os cociñeiros da comarca participantes serán Luísa Villarino e Maribel Vázquez, da Cantina do Catro; Isabel Prada e Eliana Murias, de Casa do Agenor (Cova); José García, da panadería Terras de Trives.

Primeiro irán á cooperativa de castañas Amarelante de Manzaneda, despois a San Xoán de Río, onde Carmen lles ensinará a preparar empanada; a continuación a Chandrexa de Queixa para visitar a gandería Galupa e, finalmente, Pilar, veciña de Trives, explicáralles como se prepara a tradicional bica de Trives.

Os catro concellos da comarca trivesa estarán representados gastronomicamente: Cooperativa Amarelante por Manzaneda, Carmen do Bar Corredoiro por San Xoán de Río, Gandería Galupa por Chandrexa de Queixa e Pilar da panadería Luciano pola Pobra de Trives.

Ademais entre os 15 membros do xurado estaba o alcalde de San Xoán de Río, Xosé Miguel Pérez, e a alcaldesa da Pobra de Trives, Patricia Domínguez.

Fotos cedidas.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close