EconomíaEconomíaGalerías de fotosÚltima hora

A Granxa Escola A Capilla abre as súas portas en Lentellais (O Bolo)

A inauguración das instalacións deste novidoso proxecto, que une a produción agrogandeira coa educación e co xogo, tiña lugar na tarde do 12 de outubro

Achegarse dunha forma divertida, educativa e lúdica a unha explotación agrogandeira e desfrutar dos seus produtos de calidade no seu entorno e en plena natureza. É o obxectivo co que vén de poñerse en marcha a Granxa Escola A Capilla en Lentellais (O Bolo). Este novidoso proxecto, cuxa responsable é Elisa Camino, comezaba a funcionar na tarde do 12 de outubro cun acto inaugural no que participaban numerosas persoas.

“A nosa idea é que a xente veña a visitar a explotación gandeira, pase a xornada e desfrute dun xantar cos nosos propios produtos autóctonos, cos ovos das nosas galiñas de Mos que criamos aquí, cos galos, cos nosos cordeiros de raza ovella galega… Trátase de recoller o produto na propia granxa e elaboralo na cociña que está aquí ao lado e despois degustalo neste entorno natural”, explican dende esta granxa escola valdeorresa. Tamén dispoñen dun servizo de comedor para xantares, ceas e eventos.

O seu proxecto conta ademais cunha notable vertente educativa e didáctica dirixida aos máis pequenos, con propostas de educación ambiental, actividades e obradoiros agropecuarios, actividades lúdico-deportivas, xogos tradicionais… “Contamos cunha pedagoga tamén preparada para acompañar aos nenos de educación especial”, matizan dende a Granxa Escola A Capilla.

A súa proposta vai dirixida a grupos escolares, pero tamén a particulares, a familias con nenos, a asociacións, empresas, institucións públicas, etc. Ademais apostan por outros produtos autóctonos como a carne de tenreira autóctona e polos viños valdeorreses.

Fotos: Carlos G. Hervella.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close