A Asociación O Sorriso de Daniel presentará este traballo o 12 de setembro no Centro do Viño da Ribeira Sacra en Monforte
Ao longo de 25 minutos o documental “A memoria de Abeleda” afonda na importancia dun dos edificios máis importantes da Ribeira Sacra, actualmente en estado de abandono: o mosteiro ourensán de San Paio de Abeleda. Será presentado ás sete da tarde do sábado 12 de setembro pola Asociación O Sorriso de Daniel no Centro do Viño da Ribeira Sacra, en Monforte de Lemos.
Este traballo audiovisual de Iria Puga, e que conta co patrocinio da Universidade da Coruña, amosa tamén a necesidade de seguir traballando pola súa recuperación, na liña que vén desenvolvendo a asociación O Sorriso de Daniel dende o 2010.