En portadaGalerías de fotosSanidadeÚltima hora

A I Carreira e Andaina das Cidades contra o Cancro de Páncreas de Vilamartín recauda 12.000 euros

A organización desta exitosa proba solidaria vén de entregarlle á presidenta da Acanpan a recaudación no Hospital Comarcal Valdeorras. A cita lograba reunir a uns 1.100 participantes, unha cifra similar á carreira realizada en Milán

Na súa primeira edición, celebrada o pasado 25 de novembro, a I Carreira e Andaina das Cidades contra o Cancro de Páncreas de Vilamartín desbordaba todas as expectativas e lograba reunir a uns 1.100 participantes. O recaudado nesta primeira edición ascende a uns 12.000 euros, cantidade que a organización lle entregaba na mañá do 30 de marzo á Asociación de Cancro de Páncreas (Acanpan). Este diñeiro vai ir destinado integramente a becas para a investigación desta enfermidade.

No acto contábase coa presenza de Belén Gómez, Patricia González e Eva Iglesias (organizadoras locais da carreira), da presidenta nacional de Acanpan, Cristina Sandín; da doutora María Francisco, dixestóloga e responsable da Unidade de Páncreas no Servizo Dixestivo do Hospital Universitario de Ourense; e de Margarita Rodríguez, subdirectora de xestión do HCV.

A presidenta de Acanpan destacaba o entusiasmo, esforzo e traballo da organización que lograba montar nun tempo récord, apenas dous meses, a primeira carreira deste tipo que se organiza en Galicia. Tamén explicaba que o cento por cento do recaudado vai destinado a investigación e, en concreto, á 4ª Beca Carmen Delgado/Miguel Pérez-Mateo, que nesta ocasión conta cunha convocatoria de dúas becas de 77.000 euros cada unha, destinadas á investigación clínica e básica do cancro de páncreas.

Tamén interviñán no acto as tres organizadoras que se decidían a impulsar un proxecto deste tipo tras a recente perda dun familiar por cancro de páncreas. “Foi como unha terapia”, destacaban. Ademais agradecían o apoio de todas as persoas e entidades que colaboraron coa organización, entre elas a Delegación Valdeorresa da Federación Galega de Atlestismo (FGA) e o Club Peña Trevinca, así como a gran implicación social. Tamén adiantaban que xa están preparando a segunda edición desta proba para a que barallan a data do 24 de novembro e na que haberá cambios no percorrido.

Finalmente, a doutora María Francisco destacaba o gran éxito desta iniciativa solidaria e a resposta social e dos empresarios de Valdeorras ante a mesma. “Houbo máis recaudación que participantes, ademais moitos comercios fixeron doazóns e esta mostra de solidariedade hai que recoñecerla”. Incidiu así mesmo na importancia da investigación para facerlle fronte ao cancro de páncreas. Nese senso lembraba que o adenocarcinoma de páncreas é o oitavo tumor en frecuencia de diagnóstico en España, sen embargo está entre os que teñen peor prognóstico xa que só o 5-7% dos pacientes sobrevive a el aos cinco anos do diagnóstico.

Fotos: A.R.

Máis información:
http://carreracancerpancreas.es

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close