DeportesGalerías de fotosÚltima hora

A I Carreira de San Bartolo reúne a 135 participantes entre nenos e adultos

O ourensán Saturnino González lograba o mellor resultado na proba de adultos

Dobre cita co atletismo na Pobra de Trives. A xornada do 22 de agosto tiña lugar na vila a I Carreira de San Bartoliño e tamén a primeira edición da de San Bartolo. A primeira delas congregaba a uns 75 cativos no punto de saída, na rúa San Martín. As competicións comezaban as catro da tarde dende a Praza de Abastos. Os participantes corrían diferentes distancias en función da idade, que ía dende os 2 ata os 15 anos. Ao finalizar, todos os pequenos deportistas recibían a súa medalla.

Xa ás sete do serán chegaba o momento da carreira dos maiores de 16 anos, éstes incluidos. Era a quenda da I Carreira San Bartolo e os seus dez quilómetros. Nesta primeira edición estaba anotado un bo número de corredores dispostos a percorrer a distancia establecida. En total na liña de saída había 60 atletas.

Xusto antes do inicio da competición a choiva sumábase tamén á carreira e non quixo abandonar o escenario ata o remate da mesma, pero iso non impedía que os corredores superaran o circuíto ao que se presentaban. O primeiro en cruzar a liña de meta era Saturnino González de Ourense. Houbo entrega de premios aos 1º, 2º e 3º postos masculinos e 1º, 2º e 3º femininos.

Esta primeira edición da carreira, organizada pola Concellería de Deportes de A Pobra de Trives, coincidía coa fin de semana das festas do San Bartolomé na vila.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close