Publicidade
OurenseÚltima hora

A III Olimpíada Galega de Historia, cuxo prazo de inscrición remata o 17 de abril, será virtual

Nela pode participar o alumnado matriculado no curso 2019/2020 en cuarto curso de Educación Secundaria Obrigatoria ou Educación Secundaria de Adultos dos centros de Ensino Secundario de Galicia

 

Estaba previsto que o vindeiro 22 de maio estaba previsto o Campus de Ourense acollese a III Olimpíada Galega de Historia, unha iniciativa que promove a Facultade de Historia co obxectivo de fomentar a paixón polo coñecemento do pasado entre os máis novos e novas. Pero dada a actual situación de emerxencia sanitaria polo COVID-19, a organización decidiu anular a súa celebración presencial e facela virtual.

Na III Olimpíada Galega de Historia, cun formato de pregunta-resposta, pode participar o alumnado matriculado no curso 2019/2020 en cuarto curso de Educación Secundaria Obrigatoria ou Educación Secundaria de Adultos dos centros de Ensino Secundario de Galicia. Nun principio, mantense o formato previsto na convocatoria de catro estudantes por equipo que estarían conectados entre si por rede, asumindo un deles a tarefa de coordinación en conexión coa organización a través dunha aula do Campus Remoto da Universidade de Vigo.

“Dado que resulta impensable que a olimpíada se desenvolva tal e como a concibimos cando fixemos a convocatoria, decidimos lanzar un novo proxecto que consiste en levala a cabo desde a casa, en consonancia coas actividades que está realizando a Universidade de Vigo” nesta etapa de confinamento, en palabras de Susana Reboreda, decana da Facultade de Historia,

Na anterior edición, lembra, “parte do evento xa se realizou a través da plataforma kahoot, mentres que a semifinal e a final fixéronse dun xeito máis tradicional”, é dicir, presencialmente nun día de competición que tivo lugar nas instalacións do campus de Ourense. Tendo en conta esta experiencia, a proposta xa lanzada aos centros educativos é “que toda a actividade da olimpíada se realice a través da plataforma virtual”.

Unha forma de preparar a materia de Xeografía e Historia de 4º da ESO

A realización da olimpíada está supeditada a acadar un número mínimo desexable de centros participantes. Para animar a unirse a esta iniciativa, a decana da Facultade de Historia salienta como a participación dos centros “sería unha forma de preparar a materia de Xeografía e Historia de cuarto da ESO e propor ao alumnado confinado un novo reto”.

Para a facultade “supón non renunciar a un proxecto ilusionante e adaptarnos ás normas do confinamento sen renunciar ás propostas que tiñamos previamente”, di Reboreda.

En caso de acadar o número de centros necesarios para a súa celebración, a olimpíada adaptaría as súas bases ao novo contexto de celebración dunha cita que conta coa colaboración de entidades como o Consello Social da Universidade de Vigo, a Xunta de Galicia e o concello e deputación de Ourense, ademais de empresas como Coren, Grupo Cuevas, Editorial Galaxia e Caldaria. O prazo para apuntarse está aberto ata o 17 de abril.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close