Os “xabaríns” ciclistas percorren os montes da Rúa

A III ruta BTT reunía a máis de 200 participantes que desafiaron á chuvia

Preto de 230 ciclistas se daban cita na mañá do 6 de xullo diante do pavillón polideportivo da Rúa, para participar na terceira edición da Ruta BTT Jabalíes.

O tempo non acompañaba, polo menos a primeira hora, chovendo a cántaros, por iso a organización decidía retrasar media hora a saída. Así, pasadas as dez da mañá do primeiro domingo do mes de xullo, os participantes entre os que se atopaba un ano máis o convidado de honra Ezequiel Mosquera, comezaban o percorrido: 28 quilómetros para a ruta verde e 48 para a vermella, máis dura e pola que apostaron a maioría dos corredores.

O percorrido embarrado pola chuvia, dificultaba a xa de por si complexa ascensión por sendeiros e camiños ata San Xulián ou Roblido, onde a néboa esperaba aos “xabaríns” que, facendo honra ao nome do club, cruzaban a meta cubertos de barro.
Pasadas as doce do mediodía, chegaban os primeiros ciclistas da ruta vermella: Ezequiel, Tono e Víctor os dous últimos da Rúa.
Trala proba, non competitiva, moitos deles compartiron un xantar no polideportivo, quedando emprazados para a vindeira edición.

Fotos: Carlos G. Hervella
Máis información na vindeira edición en papel do Periódico O Sil

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies