ConcellosEn portadaÚltima hora

A IX Andaina de Manzaneda pasará polo campamento romano de Penedo dos Lobos

Esta actividade deportiva e solidaria, prevista para o 4 de novembro, contará tamén cunha proba de BTT e con outra de trail

 

Panorámica do campamento romano de Penedo dos Lobos./ Foto:romanarmy.eu

 

Deporte, natureza, montaña, patrimonio e arqueoloxía mesturaranse no percorrido que nesta edición propón a IX Andaina de Manzaneda, cun percorrido circular, que se comezará o vindeiro domingo 4 de novembro ás 9h. dende o patio da escola desta vila. Ademais terá como complemento o II Trail, con saída ás 9:30h. dende ese mesmo lugar, e o III BTT que comezará as 10h.  Nesta edición esta cita será solidaria cos campamentos de refuxiados saharauis.

“Os percorridos da andaina e do trail serán os mesmos para os tramos curtos e longos. Na BTT haberá 3 percorridos un curto (27 km), outro medio (35 km) e un máis longo (45 km)”, segundo se adianta dende o Concello de Manzaneda, organizador desta actividade en colaboración coa Agrupación de Voluntarios de Protección Civil deste municipio, entre outras entidades.

Os traxectos da andaina e do trail pasarán polas “abas das serras de Manzaneda”, deixando atrás antes polo entorno do milenario Castiñeiro de Pombariños, e terán tamén “o seu paso polo medio do recentemente descuberto campamento romano do Penedo dos Lobos”, segundo adianta a organización.

 

 

No caso do percorrido da BTT, no que os participantes tamén se achegarán ao Castiñeiro de Pombariños, irase despois cara os lugares de “Acevoso, Sobrado e Mendoia, do veciño concello da Pobra de Trives para logo volver ao municipio de Manzaneda, recalando en Langullo, Cimadevila de Langullo, Rebodepó, San Vicenzo, San Miguel, Requeixo, Tonxil, Borruga, San Pedro e finalmente a vila de Manzaneda”, citando á organización.

As persoas interesadas en participar nesta cita poderán inscribirse ata o 31 de outubro nas páxinas www.avaibooksports.com e www.concellodemanzaneda.gal. O donativo á participación é de 10 euros.

A finalización das tres probas está previsto para as 14:45h. no mesmo punto da saída. Ao longo do traxecto haberá puntos de avituallamento e controis de paso. Ao remate haberá un xantar popular para os participantes no polideportivo de Manzaneda, seguido dun sorteo de agasallos.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close