Veciños de Castro Caldelas, Parada de Sil, San Xoán de Río, Montederramo, Chandrexa de Queixa, A Teixeira e da Pobra de Trives desprazaranse este vinderio venres 22 de febreiro ó plató 1000 de Santiago de Compostela para apoiar a Velusa.
Velusa é recanteira no programa Luar da Tvg representando Portugal Norte. A rapaza portuguesa está vencellada ás terras caldelás dende os 6 anos, cando mudou o seu lugar de residencia, integrándose como unha máis e vencellada a moitos proxectos culturais da comarca.
Este venres vai a deleitar de novo coa súa voz, estando xa na terceira fase e continuando con todo o seu talento demostrando a gran artista que é. Dende que comezou o concurso televisivo Velusa está moi arroupada pola súa xente conseguindo que a artista se sinta nunha marea de sentimentos positivos e emocionantes.
Nesta terceira fase, Velusa tentará clasificarse para aumentar os recordos que sempre quedarán no seu corazón, porque ela co apoio e cariño que recibe nas terras de Caldelas xa conseguíu algo mais importante ca victoria no concurso.
Texto: Xosé Miguel Pérez Blecua.