A posta en marcha dun Centro de Información á Muller (CIM) foi o tema sobre o que xirou a reunión mantida na mañá do 10 de abril entre a mancomunidade de municipios da comarca de Ourense e a secretaria xeral de Igualdade, Susana López Abella.
Ao encontro, celebrado na casa do Concello de Paderne de Allariz, asistiu a delegada territorial da Xunta en Ourense, Marisol Díaz Mouteira e representantes dos concellos que conforman a mancomunidade: Paderne de Allariz, Baños de Molgas, Esgos, Maceda, Nogueira de Ramuín, Parada do Sil, Pereiro de Aguiar, San Cibrao das Viñas, Xunqueira de Ambía e Xunqueira de Espadañedo.
Tal como avanzan dende a Consellería de Presidencia, actualmente a provincia de Ourense conta con 14 Centros de Información á Muller que desempeñan un importante papel como porta de entrada e apoio ás mulleres en situación de vulnerabilidade.
