A marcha solidaria Memorial Anxo de Sousa da Rúa convida á participación

A iniciativa, organizada para recadar fondos para a Fundación Andrea, celebrarase o 2 de marzo

Co obxectivo de recadar cartos para colaborar coa Fundación Andrea de apoio a nenos con enfermidades de longa duración, crónicas ou terminais, con sede en Santiago de Compostela (www.fundacionandrea.info), organízase o Memorial Anxo de Sousa Pérez, unha marcha solidaria e non competitiva en memoria do xove rues falecido hai uns anos tras unha longa enfermidade.

A súa irmá Noelia de Sousa (organizadora do evento) e a súa nai Antonia Pérez, presentaban na mañá do 18 de febreiro a IV edición desta iniciativa que se celebrará o 2 de marzo. O acto tila lugar no Concello da Rúa e tamén estiveron presentes o alcalde Luis Fernández, o concelleiro de Deportes Avelino Fernández, Andrea Pérez (prima de Anxo) e Sabela Pérez que está colaborando na organización.

Como nas edicións anteriores, a saída terá lugar ás 16h. desde as proximidades da Igrexa de Fontei e a marcha concluirá no Miradoiro do Barranco Rubio, xunto ao monolito adicado a Anxo. A distancia aproximada é de 5 quilómetros e os participantes poderán facer o percorrido andando, en moto ou en bicicleta.

A inscrición custa 10 euros e está aberta a todas as idades, podendo facerse de dúas formas. Unha delas é online cubrindo o seguinte formulario  https://docs.google.com/forms/d/e/1FAIpQLSc1yFYe_5uXYIOJmew5Yaou9aRwnfj0DaVkdvHPebO_EQEE_w/viewform?vc=0&c=0&w=1. A outra é presencial nos seguintes establecementos: Librería Lipor (C/ Dr. Vila, 14, A Rúa), Deportes Tri-sport A Rúa (C/ Progeso, 52) e O Barco (Av. Da Estación, 12) e Gastrobar La Querida (C/ Abdón Blanco, 10, O Barco). A inscrición on line remata o 27 de febreiro e a presencial estará aberta ata o venres 1 de marzo ás 18h.

Na presentación, Noelia de Sousa animou á xente a participar por unha boa causa, asegurando que contan coa colaboración de moita xente. “Practicamente todos os comercios da Rúa e moitos do Barco e Petín, ademais do Concello e clubs, sobre todo de fútbol de primeira división, que nos enviaron artigos para sortear”, dixo, adiantando que o sorteo realizarase trala proba (aproximadamente sobre as 19h.) na Casa da Cultura.

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies