CulturaCulturaEducaciónÚltima hora

A Mezquita acolle a II Convivencia Intercomarcal “Lela e Tuxo”

Está prevista para este venres 28 de xuño na Debesa de Santigoso e nela participarán nenos da Gudiña, Viana, Vilariño de Conso, Riós, A Veiga e A Mezquita

 

Unha das actividades da pasada edición da convivencia./ Foto cedida.

 

Tras unha exitosa primeira edición no 2018 en Vilariño de Conso, desta volta será o concello da Mezquita o escenario da II Convivencia Intercomarcal “Lela e Tuxo”, que despregará un programa cargado de propostas de animación e música para os nenos, ademais dun xantar.

Os actos comezarán ás 16:30h. na “Debesa de Santigoso” con obradoiros de cada centro participante que, nesta edición serán os centros para nenos de 0 a 3 anos dos municipios da Mezquita, A Gudiña, Viana do Bolo, Vilariño de Conso, Riós e A Veiga. Ademais dos cativos tamén participarán os seus pais e nais, nunha convivencia de lecer en familia.

Esta edición, que terá novamente como temática a castaña (elemento que vencella a todos os municipios participantes), será organizada pola Asociación Cultural Os Tres Reinos, que participa coas cativas e cativos do seu Programa de Conciliación Familiar, e polo Concello da Mezquita, cuxo alcalde é Rafael Pérez.

 

Os bullotes Tuxo e Lela, personaxes que dan nome á convivencia./ Foto cedida.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close