Antón Reixa leu o pregón
Ribadavia acollía na tarde do 19 de xullo a inauguración da 29 edición da Mostra Internacional de Teatro. Nesta ocasión o pregón correu a cargo de Antón Reixa, quen loou a traxectoria da MIT facendo especial fincapé no papel dos actores e actrices. Coa súa intervención, Reixa daba paso a unha semana de teatro nacional e internacional.
O acto contou asemade coa presenza do conselleiro de Cultura Xesús Vázquez, que compartiu mesa co alcalde de Ribadavia Marcos Blanco, co director da Mostra Roberto Pascual e co concelleiro de Cultura de Ribadavia José Castro.
A inauguración da 29 MIT completábase coa visita á exposición sobre Roberto Vidal Bolaño na Igrexa da Magdalena.