OurenseÚltima hora

A música de Guadi Galego, entre as propostas do Concello de Ourense para conmemorar o 25-N

O programa para celebrar o Día internacional contra as violencias de xénero 2019, inclúe teatro documental, conferencias, obradoiros e contacontos

Guadi Galego nunha actuación no Barco de Valdeorras. /Foto: Ángeles Rodríguez.

 

Teatro documental con Iria Piñeiro, música con Guadi Galego, exposicións de fotografía, contacontos, obradoiros e unha conferencia de Iria Vázquez Silva, son algunhas das propostas organizadas polo Concello de Ourense para conmemorar o 25 de novembro, Día internacional contra as violencias de xénero 2019.

A programación inclúe propostas tanto para as persoas adultas como a mocidade ou a infancia, marcándose como obxectivo “poñer de manifesto os diferentes ámbitos nos que se manifesta a violencia de xénero, que non é só o da parella senón tamén moitos outros, como o institucional”, en palabras da concelleira de Igualdade, Eugenia Díaz. Nos actos programados terá lugar a presentación, o día 25, dunha diagnose sobre o hábitat e a convivencia igualitaria na cidade de Ourense por parte de Silvia Pérez Freire, socióloga experta en xénero. O lema da programación é Vivas e Ceibes! e a imaxe da campaña é unha creatividade de Patricia Joga.

As actividades comezarán o xoves, 20 de novembro, con teatro: Anatomía dunha serea da compañía Chévere e protagonizada por Iria Pinheiro. Será ás 20h. no Teatro Principal. A entrada é de balde e as invitacións poderanse recoller unha hora antes no despacho de billetes.

 

Presentación do programa do 25-N.

 

Ese mesmo día, desenvolverase Nós contra a violencia, actividade coorganizada coa Secretaría Xeral de Política Lingüística e a Secretaría Xeral de Igualdade da Xunta de Galicia, en colaboración co Servizo de Normalización Língüística do Concello de Ourense, con 3 accións para diferentes públicos: A igualdade conta (contos do dereito e do revés), sesión de contacontos a cargo de Raquel Queizás, dirixida a crianzas de 4 a 9 anos, de 19 a 20 na Concellaría de Igualdade; Voces violetas, obradoiro dirixido a membros das ANPA destinado a fomentar a educación en igualdade, coa relatora: Eva Mejuto, de 9 a 21h. na mesma concellaría; e Danza contemporánea para a igualdade, obradoiro que emprega a música, a palabra e a expresión corporal para propoñer formas de relación afastadas de prexuízos sexistas. Participa alumnado de 1º de BAC do IES O Couto. Será neste instituto a cargo da monitora Eli Ríos, con 2 sesións, ás 8:30 e 11:30h.

O día 25 será o acto institucional, ás 12h. no salón de plenos do Concello; así como a presentación do libro “Diagnose do hábitat e da convivencia igualitaria na cidade de Ourense”, a cargo de Silvia Pérez Freire, socióloga experta en xénero, ás 20h. no Centro Cívico da rúa Colón. E xa o día 28 Guadi Galego, dará un concerto para presentar o seu novo traballo discográfico Immersión, ás 20h. no Teatro Principal. Entrada de balde (recollida de invitacións unha hora antes no despacho de billetes).

 

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close