CulturaCulturaGalerías de fotosMúsicaÚltima hora

A música de Xabier Díaz e As Adufeiras de Salitre conquista ao público

Cos triveses Gutier e Javier Álvarez na banda, o artista galego presentou no Barco o seu traballo "Noró"

 

Cun potente concerto de música tradicional con sons e mesturas únicas, sorprendían no Concello do Barco na noite do sábado 7 de setembro. Á beira do río Sil, no Malecón barquense, o polifacético Xabier Díaz subíase ao escenario rodeado pola súa banda, da que forman parte os irmáns Álvarez (Gutier á zanfona e ao violín, e Javier ao acordeón) e co acompañamento das Adufeiras de Salitre (alumnas súas), para presentar en directo o seu traballo Noro, algunhas músicas do norte.

 

Unha das Adufeiras de Salitre en plena actuación.

 

O seu foi chegar e conquistar ao público que, malia dispoñer de sillas, non dubidou en botarse a bailar convidado polos animados sons de temas como Pasodobre das Costureiras ou O baile de Noró. Máis de hora e media de música tradicional na que facían un repaso por pezas e danzas do seu primeiro disco, The Tambourine Man, e moi especialmente do segundo.

 

Un momento da actuación no Barco. En primeiro termo, Javier Álvarez ao acordeón.

 

Actuar en casa ou preto dela sempre é especial, por iso tanto o concerto que deron o ano pasado na Pobra de Trives como este no Barco de Valdeorras, sen dúbida tivo que ser emocionante para os irmáns Álvarez que foron alumnos do Conservatorio do Barco. Tamén é especial vislumbrar entre o público a xente coñecida, por iso o propio Xabier adicaba unha das últimas pezas á locutora da Radio Galega, Amelia García.

Fotos: Carlos G. Hervella.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close