CulturaCulturaMúsicaÚltima hora

A música de Xabier Díaz pechará o programa “Trevinca, o Camiño das Estrelas” na Veiga

Esta iniciativa, que terá lugar entre os meses de setembro e decembro, incluirá música, gastronomía e astronomía

Xabier Díaz, xunto aos irmáns triveses Álvarez, e as Adufeiras de Salitre./ Foto: Carlos G. Hervella.

Actividades culturais, musicais e de divulgación científica durante tres fins de semana entre os meses de setembro e decembro. Son as propostas incluídas no proxecto “Trevinca, O Camiño das Estrelas”, que se desenvolverá na Veiga.

“Dende o Concello pretendemos ir da man da hostelería e dos produtores locais para facer tres fins de semana que persigan tres obxectivos: a posta en valor dos nosos produtos locais, o noso ceo e a nosa cultura por medio da música”, segundo se indica dende o Concello da Veiga.

Este programa, que forma parte do proxecto O teu Xacobeo, principiará na noite do venres 20 de setembro con actividades de astronomía, o sábado día 21 está prevista unha ruta turística polas Lagoas de Ocelo ás 12h. e pola tarde, ás 19h. actuará o grupo folk Coanhadeira. Este concerto irá seguido de máis propostas relacionadas coa astronomía.

Xa o 11 de outubro haberá máis propostas astronómicas como observacións, o día 12 de outubro farase a “Ruta dos Bocados” ás 22h. e ás 24h. actuará Brañas Folk. Finalmente o 13 de decembro realizarase unha cea temática seguida de observación astronómica e o día 14 unha nova Ruta dos Bocados ás 22h. e ás 23h. terá lugar un concerto de Xabier Díaz & Adufeiras de Salitre.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close