A música tradicional de Treixadura, no Barco o 5 de abril

Esta agrupación galega presentará este venres a partir das 21h. o seu novo traballo “Inda canto!” no Teatro Lauro Olmo

Imaxe dunha actuación de Treixadura./ Foto: treixadura.gal.

Música tradicional en estado puro da man dunha das agrupacións de referencia na música galega. Sobre o escenario do Teatro Lauro Olmo do Barco Treixadura presentará este venres 5 de abril a partires das 21h. o seu novo traballo “Inda canto!”.

Esta formación iniciaba xa en 1990 un proxecto no que aposta pola recuperación da música tradicional e que, ao mesmo tempo, “representa unha achega á cultura a través das súas composicións e a recuperación de pezas e cancións populares”, segundo eles mesmos din. E iso partindo de dúas “concepcións ben arraigadas na tradición galega: o canto e a gaita”.

Tras 28 anos de gravacións e concertos, 6 discos no mercado e unha variada gama de colaboracións discográficas, Treixadura presenta agora en Valdeorras o seu sétimo e último disco “Inda canto!”. As entradas (cun prezo de 5 euros) poranse á venda unha hora antes do concerto na billeteira do Teatro e poden adquirirse con antelación na tenda TonySon. Esta actuación forma parte da programación da Rede de Auditorios da provincia de Ourense.

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies