O teatro regresa esta fin de semana ao Centro Cultural Avenida da Rúa. E faino co espectáculo A nena e o grilo máis aló, do cantautor rues Magín Blanco, que se celebrará o domingo, 4 de outubro, ás 16:45h. dentro da programación Cultura no Camiño da Agadic.
Trátase dunha obra intertactiva que porá en escena Teatro Ghazafelhos, formada por contos a través de cancións nos que a nena e o grilo trasladan ao público ao seu mundo no que todos poderán aprender e divertirse, xogar cantando, tirar fóra os prexuízos…
Pola seguridade de todos fronte ao Covid-19, o público deberá cumprir con todas as indicacións do persoal e coas medidas implantadas no Centro Cultural.
