Logo da exitosa experiencia do concurso en DMR “O diploma A Cabra tira ao monte”, desenvolvido durante o confinamento, os seus promotores porán en marcha nesta noite de San Xoán unha nova proposta.
Así os Radiofeccionados de Trives, o Grupo DX Tierra de Rosalía de Padrón e Radio Club Fene Alfa Charlie organizarán a “Noite Meiga”, na noite do 23 ao 24 de xuño. Nesta ocasión outorgarase un trofeo por cada unha das bandas traballadas, un total de 4: HF, DMR, Canal 37 CB e Canal 3 PMR.
