A obra “María e o lume” do CEIP Condesa de Fenosa gaña un concurso escolar sobre o cambio climático

Os alumnos de 2º de Primaria foron recibidos por pais e profesores cunha gran pancarta

Cunha gran pancarta de benvida e un caluroso aplauso, recibían pais de profesores do CEIP Pluriligüe Condesa de Fenosa do Barco, aos alumnos de 2º de Primaria. O motivo, felicitalos polo premio que a peza teatral de creación propia “María e o lume” conseguiu no concurso “Que efectos ten o cambio climático no teu concello?” convocado pola Deputación de Ourense.

Despois do éxito acadado coa representación no Teatro Lauro Olmo o 28 de maio, os nenos e as nenas do Barco representaban a súa obra na mañá do 11 de xuño no Teatro Principal de Ourense para celebrar o Día Mundial do Medio Ambiente. Xunto ao Condesa, foi finalistas do concurso o CEIP Divina Pastora tamén do Barco e despois da representación de ambos colexios, o xurado proclamou “María e o lume” como a mellor obra do certame.

Tal como explican dende o centro educativo barquense, “esta función teatral é o produto final do proxecto educativo “Investigalume” que mestres e alumnado de 2º curso levaron a cabo dentro do programa PITEAS que desenvolvimos neste curso”.

Fotos cedidas.

 

 

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies