A obra “Retrincos de Castelao”, música de Abertal e unha feira do libro, entre os actos das Letras Galegas na Rúa

Escena da peza teatral “Retrincos de Castelao”, que poderá verse na Rúa./ Foto: Culturactiva.

A praza do Concello da Rúa será o centro neurálxico dos actos cos que se celebrará o Día das Letras Galegas neste municipio valdeorrés. Así entre as 11h. e as 13h. do 17 de maio instalarase nese lugar a Feira do Libro ruesa. Ademais en torno ás 12h. terá lugar un acto de homenaxe a María Victoria Moreno Márquez, coa actuación da Escola de Gaitas Abertal.

 

Actuación de Abertal nos actos das Letras Galegas do pasado ano na Rúa./ Foto: Mónica G. Bellver.

Ademais ás 18h. porase en escena no Centro Cultural Avenida a obra de teatro “Retrincos de Castelao”, unha comedia dirixida por Diego Rey e interpretada por Isabel Risco e por Fran Rei. É un espectáculo de Culturactiva.

A programación das Letras Galegas organizada polo Concello da Rúa completarase o 19 de maio ás 20h. na Casa da Cultura. Procederase á reposición da escultura en granito da “Gaiteira”, despois da súa restauración.

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies